അപ്പം മാംസമാകുന്നത്,
വീഞ്ഞ് രക്തമാകുന്നത്
കണ്ണീരിന്റെ വിശുധിയിലാണ്,
ഇല്ലാതാകലിലാണ്.
നീയെനിക്ക് തന്നുകൊണ്ടിരിക്കുന്ന
ഭിക്ഷ,സഹതാപതിന്റെതാണ്.
നിന്നാല്‍ മാത്രം സ്നാനപ്പെട്ട്
ഞാന്‍ അസ്വസ്ഥതയുടെ രാജകുമാരിയായി.
ഇനിമേല്‍,
എന്റെ ചുണ്ടുകള്‍ വിറക്കുകയില്ല.
കണ്ണുകള്‍ പരതുകയില്ല .
മനസ്സ് ആഴമളക്കില്ല....
എല്ലാം ചോരകൊണ്ട് നീ
കെടുത്തിക്കളഞ്ഞു.
അശാന്തിയുടെ തീരങ്ങള്‍ തുഴഞ്ഞ്,
സങ്കടപര്‍വ്വം ഉഴുതുമറിച്ച്‌
നീ തന്ന വേനലില്‍ ഞാനെന്റെ
വിത്തുകള്‍ മുളപ്പിചെടുത്തു.
അവയെന്റെ പറുദീസ നഷ്ടപ്പെടുത്തി.
എങ്കിലും,ഭൂമിയിലെ മുഴുവന്‍ മണല്‍ത്തരികളും
നക്കിയെടുത്താലും അടങ്ങാത്ത
തീവ്രതയാണെനിക്ക് നിന്നോട്,
"അര്‍ഹമാകിലുമനര്‍ഹമാകിലും".
രൂപ ശശിധരന്‍
രണ്ടാംവര്‍ഷ ബിരുദാനന്ദര ബിരുദം
ശ്രീ കേരളവര്‍മ കലാലയം
തൃശൂര്‍.
വീഞ്ഞ് രക്തമാകുന്നത്
കണ്ണീരിന്റെ വിശുധിയിലാണ്,
ഇല്ലാതാകലിലാണ്.
നീയെനിക്ക് തന്നുകൊണ്ടിരിക്കുന്ന
ഭിക്ഷ,സഹതാപതിന്റെതാണ്.
നിന്നാല്‍ മാത്രം സ്നാനപ്പെട്ട്
ഞാന്‍ അസ്വസ്ഥതയുടെ രാജകുമാരിയായി.
ഇനിമേല്‍,
എന്റെ ചുണ്ടുകള്‍ വിറക്കുകയില്ല.
കണ്ണുകള്‍ പരതുകയില്ല .
മനസ്സ് ആഴമളക്കില്ല....
എല്ലാം ചോരകൊണ്ട് നീ
കെടുത്തിക്കളഞ്ഞു.
അശാന്തിയുടെ തീരങ്ങള്‍ തുഴഞ്ഞ്,
സങ്കടപര്‍വ്വം ഉഴുതുമറിച്ച്‌
നീ തന്ന വേനലില്‍ ഞാനെന്റെ
വിത്തുകള്‍ മുളപ്പിചെടുത്തു.
അവയെന്റെ പറുദീസ നഷ്ടപ്പെടുത്തി.
എങ്കിലും,ഭൂമിയിലെ മുഴുവന്‍ മണല്‍ത്തരികളും
നക്കിയെടുത്താലും അടങ്ങാത്ത
തീവ്രതയാണെനിക്ക് നിന്നോട്,
"അര്‍ഹമാകിലുമനര്‍ഹമാകിലും".
രൂപ ശശിധരന്‍
രണ്ടാംവര്‍ഷ ബിരുദാനന്ദര ബിരുദം
ശ്രീ കേരളവര്‍മ കലാലയം
തൃശൂര്‍.
